JOBFASIL

Nan sistèm edikatif ayisyen an, twazyèm sik la (soti 7yèm ane rive 3yèm ane) se yon etap kle kote elèv yo ranfòse baz konesans yo epi prepare pou ansèyman segondè.
Sepandan, nan zòn riral yo, sik sa a souvan fragmante, manke finansman epi li pa toujou adapte ak reyalite lokal yo.

Lekòl yo ap fè fas ak :

Mank pwofesè kalifye
Materyèl pedagojik limite
Ti kowòdinasyon ant sik yo

Pou reponn ak defi sa yo, Sommets Education, an kolaborasyon ak Model School Network, ap chèche devlope yon modèl twazyèm sik ki adapte ak reyalite riral yo, bon kalite, ki pral teste nan yon lekòl pilòt (Baille Touribe) nan rejyon Plato Santral, avan yo elaji li nan lòt kominote.

FONKSYON

Objektif pòs la

Responsab twazyèm sik la ap gen pou misyon:

Imajine epi konsevwa yon twazyèm sik bon kalite adapte ak kontèks riral ayisyen an
Devlope ak pilote estrateji, apwòch ak zouti pedagojik pou aplikasyon efikas nan lekòl pilòt la
Dokimante epi estriktire pratik yo nan yon modèl fleksib ki kapab adapte nan lòt lekòl
Ranfòse kapasite pwofesè yo ak responsab lekòl yo pou mete modèl la an plas sou tèm dirab

Responsablite prensipal yo

A. Vizyon ak devlopman estrateji

Fè evalyasyon bezwen twazyèm sik la nan lekòl riral Sommets yo
Analize kapasite pwofesè yo, feblès pwogram yo ak bezwen elèv yo
Defini yon vizyon ak yon kad pedagojik ki aliyen ak estanda nasyonal yo (MENFP) ak reyalite kominotè yo
Devlope yon plan estratejik reyalis pou aplikasyon pilòt la nan lekòl Baille Touribe

B. Devlopman kontni ak zouti pedagojik

Idantifye materyèl ansèyman ak aprantisaj ki apwopriye pou twazyèm sik la
Konsepsyon zouti evalyasyon pou mezire pwogrè elèv yo ak efikasite pwofesè yo
Entegre apwòch “lekòl vivan” ak pratik SEL (Aprantisaj Sosyo-Emosyonèl) nan pedagoji a

C. Aplikasyon ak ranfòsman kapasite

Dirije aplikasyon modèl pilòt la nan lekòl la
Fòme ak akonpaye pwofesè yo sou metodoloji pedagojik, jesyon klas ak metrize kontni MENFP
Travay kole kole ak responsab adjwen premye ak dezyèm sik yo pou asire bon aliyman vètikal ant sik yo

D. Swivi, dokimantasyon ak jeneralizasyon

Mete an plas mekanis swivi ak evalyasyon aplikasyon pilòt la
Dokimante bon pratik, leson aprann ak defi yo
Devlope yon modèl ak yon bwat zouti ki ka repwodui nan lòt lekòl Plato Santral ak lòt rejyon

LIVRAB YO AP TANN

Kad estratejik twazyèm sik la (vizyon, objektif, apwòch, endikatè)
Plan aplikasyon pwojè pilòt la
Resous pedagojik (plan leson, materyèl pou elèv, zouti evalyasyon)
Modil fòmasyon pou pwofesè twazyèm sik yo
Bwat zouti modèl repwodiktib pou elajisman Sommets

KALIFIKASYON REKIZE

Kalifikasyon ak konpetans

Diplòm etid siperyè nan edikasyon, devlopman pwogram oswa domèn ki sanble
Omwen 5 ane eksperyans nan konsepsyon pwogram edikatif
Bon konesans sistèm edikatif ayisyen an, sitou nan zòn riral ak pwogram MENFP
Eksperyans solid nan pedagoji ak devlopman pwofesyonèl pwofesè
Bon kapasite refleksyon estratejik, kreyativite ak inovasyon
Eksperyans entegrasyon apwòch SEL, santre sou timoun ak sansiblite ak chòk
Bon konpetans kominikasyon an kreyòl ak franse

KONDISYON ESPESYAL

Sipèvizyon ak kolaborasyon

Pòs la ap dirèkteman anba responsab pedagojik Sommets
Ap kolabore sere sere ak responsab adjwen premye/dezyèm sik yo ansanm ak responsab pedagojik MSN
Travay kole kole ak pwofesè, direksyon lekòl ak aktè kominotè Plato Santral la

Dire ak efò travay

Kontra inisyal : 12 mwa, ak posibilite renouvèlman
Baze nan Plato Santral, ak vizit regilye nan lekòl riral yo

Rezilta atann

Nan fen misyon an, lekòl pilòt la ta dwe genyen :

Yon modèl twazyèm sik fonksyonèl ak inovatè
Pi bon rezilta aprantisaj pou elèv 7yèm rive 9yèm ane
Pwofesè ki gen kapasite ranfòse
Bon aliyman ak premye ak dezyèm sik
Yon modèl teste, dokimante epi repwodiktib pou lekòl riral ann Ayiti

DOSYE KANDIDATI

Dosye a dwe gen ladan :

Lèt motivasyon
CV ajou ak de (2) referans pwofesyonèl
Kopi diplòm ak sètifika
Kopi pyès idantite

KONTAK / KI JAN POU APLIKE

📧 Adrès imel :
recrutement@summits.org
nixon@summits.org
josuep@summits.org

Responsab Twazyèm Sik

description Deskripsyon Travay la

Travay ki sanble ak opòtinite sa a